સાબરકાંઠા જિલ્લાના પ્રાંતિજ તાલુકાના ફતેપુર પ્રાથમિક આરોગ્ય કેન્દ્ર ખાતે સ્વૈચ્છિક રક્તદાન કેમ્પનું આયોજન કરવામાં આવ્યું હતું.
આ કેમ્પમાં ગામના ઉત્સાહી યુવાનો, સમાજસેવી વ્યક્તિઓ તેમજ આરોગ્ય વિભાગની ટીમે ઉત્સાહપૂર્વક ભાગ લીધો હતો.
આ રક્તદાન કેમ્પ દરમિયાન 19 બોટલ રક્ત એકત્રિત કરવામાં આવ્યું, જે જરૂરિયાતમંદ દર્દીઓ માટે જીવનદાયી સાબિત થશે.
આ પ્રસંગે આરોગ્ય કર્મચારીઓએ રક્તદાનના મહત્વ વિશે સમજ આપી, “રક્તદાન એ મહાદાન” છે તે સંદેશ સાથે લોકોમાં માનવતાની ભાવના જાગૃત કરી હતી.
જાયન્ટ્સ સહિયર ઇન્ટરનેશનલ ગ્રુપ હિંમતનગરના પ્રમુખ અને તેમની ટીમ દ્વારા ઉપસ્થિત રહી સર્વે રક્તદાતાઓને પ્રોત્સાહિત ઇનામ પણ આપવામાં આવ્યા હતા.
About the Author
